Mizan-Tepi University, ICT

This is to inform you that the 10th round middle level management position for different posts stated here are being advertised for competition. Hence, all interested academic staffs of the university are cordially invited to compete for these posts.

የሚዛን-ቴፒ ዩኒቨርሲቲ የተከታታይ እና የርቀት ትምህርት ዳይሬክቶሬት በ2011 ዓ.ም የትምህርት ዘመን በክረምቱ መርሀግብር በ23 የሁለተኛ ዲግሪ እና 14 የመጀመሪያ ዲግሪ ፕሮግራሞች በሳይንስ እና ከፍተኛ ትምህርት ሚኒሰቴር መስፈርት መሰረት የትምህርት ፈላጊዎችን አወዳድሮ በመቀበል ለማስተማር ዝግጄቱን ከማጠናቀቅም ባለፈ ፤ የትምህርት ፈላጊዎችን ከሰኔ 5/2011 ዓ.ም እስከ 20/10/2011 ዓ.ም የሚዘልቅ የምዝገባ ፕሮገራም አውጥቷል፡፡ በመሆኑም በዚህ መረሀ ግብር መማር የሚፈልግ ግለሰብ በዩኒቨርሲቲው ወና ግቢ የሬጅስትራር ቢሮ የሚካሄድ ይሆናል ፡፡ ዳይሬክቶሬቱ ያዘጋጃቸው የትምህርት መስኮች እንደሚከተለው ተዘርዝረዋል፡፡

የደቡብ /ብ/ብ/ህ/ክ/መንግስት መገናኛና ኢንፎርሜሽን ቴክኖሎጂ ኤጀንሲ የኢንፎርሜሽን ኮሚኒኬሽን ቴክኖሎጂ የግል ስራ ፈጠራ አገልግሎት አስተዳደር ዳይሬክቶሬት ከሚዛን ቴፒ ዩኒቨርሲቲ ጋር በመሆን በዩኒቨርሲቲው ውስጥ በ ICT ዘርፍ ለተደራጁ ኢንኩቤቲ ተማሪዎች በኔትዎርክ ዝርጋታ፣ በሶፍት ዌር ልማት ፣ በቢሮ ማሽኖች ጥገና ፣በኢንተርፕርነርሺፕ እና በቢዝነስ ፕላን / ዕቅድ / አዘገጃጀት ዙሪያ የተግባር ተኮር ስልጠና ሰጠ፡፡ ይህ ስልጠና ተማሪዎች በስራ ዓለም በሚሰማሩበት ወቅት በንድፈ ሀሳብ ያገኙትን እውቀት በተግባር ላይ በተመሰረተ ስልጠና ማስደገፍ መቻላቸው አሁን ላይ የተሻለ ውጤታማ በማድረግ በመስኩም ጥሩ ተወዳዳሪ ምሩቃን ያደርጋቸዋልም ተብሏል፡፡እነዚህ ሰልጣኞች ከዩኒቨርሲቲው ተመርቀው ከመውጣታቸው አስቀድሞ የሚሰጣቸውን ስልጠና በመጠቀም ወደ ሌሎቹ በሺዎች ለሚቆጠሩ ተማሪዎች በማካፈል ውጤታማ ስራ መስራት የሚያስችላቸው ከመሆኑም በተጨማሪ በጥቃቅን ምክንያቶች አገልግሎት መስጠት የማይችሉ ኮምቲተሮችን ባገኙት እውቀት ተጠቅመው ለአገልግሎት እንዲውሉ በማስቻል በቆይታቸው ለዩኒቨርሲቲው ቀላል የማይባል አስተዋጽዎ ሊያበrክቱ እንደሚያስችላቸውም ተብራርቷል፡፡

በኢትዮጵያ ብዝሀ ሕይወት ኢንስቲትዩት የመሰብሰቢያ አዳራሽ መጋቢት 20 ቀን 2011ዓ.ም የተደረገውን የውይይት መድረክ ያስተባበሩት በኢትዮጵያ ብዝሀ ሕይወት ኢንስቲትዩት የእንስሳት ብዝሀ ሕይወት ዳይሬክቶሬት ዳይሬክተር አቶ አብረሀም አሰፋ እንዳሉት የሸኮ ዳልጋ ከብት ንዑስ ዝርያ ጥበቃና ማሻሻል መማክርት ማቋቋም ያስፈለገበት ዋነኛ ዓላማ የሸኮ ዳልጋ ከብት ንዑስ ዝርያ ጥበቃ፣ዘለቂታዊ አጠቃቀምና የምርምር ሥራዎችን በመደገፍ ዙሪያ የሚሰሩ ሁሉንም ባለድርሻ አካላት ለማሰባሰብና በንኡስ ዝርያው ጥበቃ ላይ የሚሰሩ ሥራዎችን በቅንጅት ማከናወን እንዲቻል ነው ብለዋል፡፡
እንደ አቶ አብረሀም ገለጻ የሸኮ ዳልጋ ከብት ዝርያ ቁጥር በመናመን ላይ የነበረ ዝርያ የነበር ቢሆንም ሁሉንም ባለድርሻ አካላት በማሳተፍ በተሰራው ውጤታማ ሥራ ቁጥሩ የተሻለ ደረጃ ላይ መድረሱን ገልጸው ወደ ትክክለኛ ወይም ወደሚፈለገው ቁጥር እንዲደርስ ለማድረግ የዚህ መማክርት መቋቋም እጅግ አስፈላጊ ነው ብለዋል፡፡

በአንዳንድ የማህበራዊያዎች በተለይም ፌስቡክ ፣ በሚዛን ቴፒ ዩኒቨርሲቲ ዋናው ግቢ የተከሰተውን የተማሪዎች የህመም ዓይነት ፣ የህሙማን ቁጥር፣ እና ተያያዥ ጉዳዮች ላይ እርስ በዕርሳቸው የሚጣረሱ ከእውነታ የራቁ መረጃዎችን እየሰጡ የተማሪዎች እና የተማሪ ወላጆች ጭንቀት ውስጥ እንዲገቡ እያደረጉ ሲሆን ለህመሙ አፋጣኝ መፈትሄ እየተፈለ በመሆኑ የዩኒቨርሰቲው ፕሬዚዳንትን ጨምሮ ከፍተኛ አመራሮች ፣ ከዩኒቨርሲቲው የማስተማሪያ ሆስፒታል እንዲሁም ከዩኒቨርሲቲው የጤና ሳይንስ የተውጣጡ ሀኪሞችን እና ስፔሻሊት ዶክተሮች በተገኙበት ዛሬ ይካቲት 01/2011 ዓ.ም በዩኒቨርሲቲው የሴኔት አዳራሽ ዩኒቨርሲቲው ችግሩን በዘላቂነት ለመቅረፍ ዩኒቨርሲቲው ያከናወናቸውን ተግባራ እና በህመሙ ምንነት ዙሪያ ከተማሪዎቻ ጋር ውይይትን አደረገ፡፡

የሚዛን ቴፒ ዩኒቨርሲቲ በቴፒ ግቢ በ2011 ዓ/ም በአንዳንድ አካባቢያዊ ምክንያቶች ተማሪዎችን ተቀብሎ ለማስተማር የዘገየ ቢሆንም ከ4300 በላይ ነባር ተማሪዎችንና 2183 የሚሆኑ ከፌደራል ትምህርት ሚኒስቴር የተመደቡለትን አዲስ ገቢ ተማሪዎች ከጥር 3 ጀምሮ በመቀበል ላይ ይገኛል ፡፡