Mizan-Tepi University, ICT

የአፈር አሲዳማነት ችግር ትኩረት ሊሰጠው የሚገባው ዋናው የምርትና ምርታማነት መነቆ መሆኑ ተገለጸ፡፡ ሚዛን-ቴፒ ዩኒቨርሲቲ ከአምስት ዞንች ማለትም ካፋ፣ ሸካ፣ ቤንች-ሸኮ፣ ምዕራብ ኦሞ እና ከማጃንግ ዞኖች ከተውጣጡ የግብርና ባለሙያዎች እንዲሁም የግብርና የምርምር ተቋማት ጋር የምርትና ምርታማነት ማነቆዎችን ለይቶ ለችግሩ መፍትሄ በጋራ አቅዶ ለመስራት የሚያስችል የሁለት ቀናት የውይይት መድረክ አካሄደ ፡፡ በውይይቱ ከአምስቱ ዞኖች የተሳተፉ ባለሞያዎች እደገለጹት የአፈር አሲዳማነት ችግር ትኩረት ሊሰጠው የሚገባ ዋናው የምርትና ምርታማነት መነቆ መሆኑን ገልጸዋል ፡፡

የፌደራል ህብረት ስራ ኤጀንሲ ከሚዛን-ቴፒ ዩኒቨርሲቲ ጋር በመተባባር በቢዝነስና ኢኮኖሚክስ ኮሌጅ ስር ለሚገኙ የኮፕሬቲቨ ትምህርት ክፍል መምህራን የሚሰጠውን የአቅም ግንባታ ስልጠና ጀመረ፡፡ ህዳር 19/2012

ከህዳር 19-23/2012 ዓ/ም ለ5 ቀናት በሚቆየው ስልጠና መምህራን በንድፈ ሀሳብ ያገኙትን እውቀት በተግባር በተጨባጫ በሀገራችን ካለው ነባራዊ ሁኔታ በማዛመድ ያሉባቸውን የእውቀትና የክህሎት ክፍተቶች እንዲሞሉ የሚያስችላቸው ስልጠና ሲሆን በተሰማሩበት የማስተማር ሙያም ተማሪዎቻቸውን በገበያ ተወዳዳሪና ተፈላጊ እንዲሆኑም በማብቃት ረገድ የሚኖረው ድራሻ ከፍተኛ ነው ፡፡

የሸኮ ጎዳ ላሞች ቁጥር ከጊዜ ወደ ጊዜ ማህበረሰባችን ውስጥ በሚፈጠር የአመለካከት ችግር ምክንያት የዝርያውን ቁጡ እና ጉልበተኛ ባህሪ በማየት ከማርባት ይልቅ ለገበያና ለእርድ የመጠቀም ሁኔታዎች በማመዘናችው ምክንያት ዝርያው ቁጥሩ እየተመናመነ በመምጣቱ በሚዛን ቴፒ ዩኒቨርሲቲ ምርምርና ማህበረሰብ አገልግሎት የሸኮ ጎዳ ላሞች ዝርያ ጥበቃና ማሻሻያ ፕሮጀክት ከ4 ዓመት በፊት ስራ መጀመሩ የሚታወስ ነው፡፡

የሚዛን-ቴፒ ዩኒቨርሲቲ አስተዳደር ቦርድ ለ3 ምክትል ፕሬዝዳንቶች የስራ ምደባ ሰጠ መስጠቱን ተከትሎ በዛሬው እለት የዩኒቨርሲቲው ፕሬዝዳንት ጽ/ቤት እነዚህን ምክትል ፕሬዝዳንቶች ከዩኒቨርሲቲው መካከለኛ አመራር ጋር የሚያስተዋውቅ የእንኳን ደስ ያላችሁ ፕሮግራም አዘጋጀ፡፡ በዕለቱ ምክትል ፕሬዝዳንቶቹ ከዩኒቨርሲቲው ልዩ ልዩ ኮሌጆች ከመጡ ዲኖችና ከተለያዩ የስራ ክፍሎች ከተሳተፉ ዳይሬክተሮች ጋር ትውውቅ ያደረጉ ሲሆን ዶ/ር ፋሪስ ደሊል የሚዛን ቴፒ ዩኒቨርሲቲ ፕሬዝዳንት የእንኳን ደስ ያላችሁ መልዕክታቸውን አስተላልፈው አዲስ ለተመደቡ ምክትል ፕሬዝዳንቶች የስራ መመሪያ ሰጥተዋል ፡፡

የቤንች ሸኮ ዞን አስተዳደር ሰሞኑን በሚዛን ቴፒ ዩኒቨርሲቲ ከሚገኙ ከፍተኛና መካከለኛ አመራሮች እንዲሁም ከዩኒቨርሲቲው ተማሪዎች ተመካዮች ጋር ወይይት አደረገ፡፡ የቤንች ሸኮ ዞን ምክትል አስተዳዳሪ አቶ ቀበሌ መንገሻ ባስተላለፉት መልዕክት ሚዛን-ቴፒ ዩኒቨርሲቲ ቀድሞ በሚታወቅበት የሰላም አንባሳደርነቱ ለማስቀጠል የዞኑ ድጋፍ ዛሬም ተጠናክሮ የሚቀጥል መሆኑን ገልጸዋል፡፡ ተማሪዎች በፍቅርና በመቻቻል መንፈስ የብሄር እና የሀይማኖት ልዩነት ሳያደርግ ለዘመናት ሁሉንም የማህበረሰብ ክፍል አቅፎ በመኖር በሚታወቀው የቤንች ሸኮ ዞን ማህበረሰብ ውስጥ እንደመገኘታቸው በወቅታዊ በአንዳንድ የአገራችን የከፍተኛ ትምህርት ተቋማት አለመረጋጋት ስጋት ሊገባቸው እንደማይገባ እና የዩኒቨርሲቲው ተማሪዎች ያላንዳች ችግር በዋናው ተግባራቸው ትምህርታቸው ላይ ብቻ በማተኮር በሰላም እንዲማሩ አሳስበው መላው የቤንች ሸኮ ዞን ማህበረሰብ ከጎናቸው መሆኑን ገልጸዋል፡፡