Mizan-Tepi University
       Light of the green valley!

Tepi Fresh Students Welcome
 
» » ዶ/ር አሚር አማን የኤፌዴሪ ጤና ጥበቃ ሚኒስቴር ሚንስትር የሚዛን-ቴፒ ዩኒቨርሲቲ ማስተማሪያ ሆስፒታልን ጎበኙ፡፡

ዶ/ር አሚር አማን የኤፌዴሪ ጤና ጥበቃ ሚኒስቴር ሚንስትር የሚዛን-ቴፒ ዩኒቨርሲቲ ማስተማሪያ ሆስፒታልን ጎበኙ፡፡

Author: Admin dated 20-09-2019, 14:41
  • Dislike
  • -1
  • Like
ዶ/ር አሚር አማን የኤፌዴሪ ጤና ጥበቃ ሚኒስቴር ሚንስትር የሚዛን-ቴፒ ዩኒቨርሲቲ ማስተማሪያ ሆስፒታልን ጎበኙ፡፡


እንደ ሀገር መንግስት ትኩረት ሰጥቶ የማህበረሰቡን የአገልግሎት ተጠቃሚነት ከፍ ለማድረግ እየሰራባቸው ከሚገኙት 22 ሆስፒታሎች አንዱ የሆነውን የሚዛን-ቴፒ ዩኒቨርሲቲ ማስተማሪያ ሆስፒታል የማስፋፊያ ግንባታ ስራዎች ማለትም የጨቅላ ህጻናት እና የእናቶች ማቆያ ማዕከል እንዲሁም አጠቃላይ የሆስፒታሉን የስራ እንቅስቃሴ በባለሞያዎች የተደረገላቸውን ገለጸ አዳምጠዋል፡፡


ክቡር ሚኒስትሩ በያዝነው አመት ስራው ተጠናቆ የሚዛን -ቴፒ ዩኒቨርሲቲ የጤና ሳይንስ ኮሌጅ ተማሪዎችን በማስተማሪያ ሆስፒታሉ ለማካተት በማለት እየተገነቡ የሚገኙትን የተማሪዎች ማደሪያ፣ ቤተ-መጽሀፍ፣ መማሪያ ክፍሎች እንዲሁም የመሰረተ-ልማት ዝርጋታ ስራዎችንም ጎብኝተዋል፡፡
ከመስክ ጉብኝት በኋላ በነበረው አጭር የውይይት ጊዜም አቶ አስራት አሰፋ የቤንች ሸኮ ዞን አስተዳዳሪና የዩኒቨርሲቲው አስተዳዳር ቦርድ አባል በጤናው ዘርፍ በዞኑ ከሚስተዋኑ አበይት ተግዳሮቶች አበይት የሆኑትን በዝርዝር ለክቡር ሚኒስትሩ አቅርበዋል፡፤ በየደረጃውም የሚገኙ የዘርፉ ሀላፊዎች እና የሚዛን-ቴፒ ዩኒቨርሲቲ ፕሬዝዳንት ዶ/ር ፋሪስ ደሊል በበኩላቸው ጉብኝቱን ክቡር ሚኒስትሩ ትኩረት ሰጥተው ማድረጋቸውን አድንቀው ማንሳት በሚገባቸው አበይት ነጥቦች ላይ ሀሳቦቻቸውን ሰንዝረዋል፡፡


በመጨረሻም ዶ/ር አሚር አማን የቀረቡትን ጥያቄዎች ካዳመጡም በኋላ የጥያቄውን ተገቢነት አውስተው እንደ መንግስት በ22 ሆስፒታሎች ላይ ልዩ ትኩረት ተሰጥቶ እየተሰራበት መሆኑንና በየደረጃው በአጭር እና በረጂም ጊዜ የሚፈጸሙትን ተግባራት በዝርዝር በማስቀመጥ ታቅዶ መቅረብ እንደሚገባውና በዚያውም አግባብ የሚተገበር መሆኑን አስረድተው በተለይ አሁን ላይ እየተከናወኑ ያሉት የሆስፒታሉ የማስፋፊያ ግንባታ ስራዎችና የመሰረተ-ልማት ዝርጋታ እንዲሁም ሆስፒታሉ የገጠሙትን እጅግ አንገብጋቢ የሆኑ የግብዓት ችግሮች የሚኒስትር መስሪያ ቤቱ የቅርብ ድጋፍ ታክሎበት በተያዘላቸው ጊዜ ተጠናቀውና ተሟልተው አገልግሎት መስጠት ስለሚገባቸው ስራው ተጠናክሮ እንዲቀጥል አሳስበው አሁን ላይ ያለውን እንቅስቃሴ በተመለከተ መልካም እንደሆነም ተናግረዋል፡፡



የሚዛን-ቴፒ ዩኒቨርሲቲ ኮሚኒኬሽን ጉዳዮች ዳይሬክቶሬት

ሚዛን-ቴፒ ዩኒቨርሲቲ
Dear visitor, you entered the site as an unregistered user.
We recommend you to register or login to the website using your name.

Comments:

Leave a comment